Danska - enska

Það má ef til vill rifja upp söguna af ráðherranum sem hélt ræðu í Kaupmannarhöfn á sinni bestu skóladönsku. Þegar henni var lokið þá hallaði einn daninn sér að íslendingi og sagði að það væri stórkostlegt hvað íslenskan og danskan væru lík
Hann hefði bara næstum skilið hvað ráðherrann var að segja.

Ég hef líka margoft séð "slökkna" á íslendingum þegar hlýtt er á danskan fyrirlestur þó þessir sömu hafi kokhraustir lýst yfir að þeir skildu vel dönsku eftir margra ára dönskunám í íslenskum skólum.

Háttsettir yfirmenn hjá Evrópusambandinu tala margir ensku með svo miklum hreim að þeir eru illskiljanlegir en ég held nú að enginn slái þó japönum við í undarlegum áherslu í hrynjanda,  sem ég er ekki vanur enda alinn upp með amerískar bíómyndir þar sem kúasmalarnir töluð með mildum drafandi suðurríkja hreim líkt og Jimmy Carter fyrrum forseti.

Guðmundur um ræðuna: „Fall er fararheill“

Hvað er að þessu liði

Maður getur bara vonað að almenningur hafni algjörlega þessum stríðsæsingarfólki í næstu kosningum. Óheyrilegt fjármagn í drápstól sem verður svo náttúrlega að réttlæta með notkun þeirra.

Fara að nota kjarnorkuvopn þegar USA og Rússland ráða yfir 90% af virkum kjarnaoddum í heiminum þannig að ein slík flaug frá Póllandi til Rússlands  gæti valdið keðjuverkun og eytt öllu lífi á jörðinni allavega eins og við þekkjum það.

Þó fólk hati Trump þá ætti það að líta fram hjá göllum hans þegar kemur að friði í Úkraínu og ekki finna öllum tillögum hans um frið allt til foráttu bara af því tillögunar koma frá Trump

Sama fólkið og segir að friður sé ekki mögulegur nema að öllum kröfum Selenskys sé fullnægt telur væntanlega að mismunun geti verið jákvæð.
Eitthvað sem er ofar skilningi venjulegs fólks

Vill kanna möguleika kjarnorkuvopna

Tékkóslóvakía og Afganistan - rússar fóru burt

Í ágúst 1968 var ég að ljúka sumardvöl minni í Danmörku í heimavistarskóla í Randers á Jótlandi. Þá réðust rússar inn í Tékkóslóvakíu og maður gat þarna horft á sameiginlegt lítið svart hvítt sjónvarp á sal og reynt að skilja heimsviðburði.
Ég hafði ekki heyrt íslensku talaða síðan ég yfirgaf Kastrup flugvöllinn og síðustu samskiptin við Íslending voru að Vigfús tollari stimplaði vegbréfið mitt í júní við brottför frá Keflavík.

Ég man að þegar við spurðum einn ungan kennara þarna í Randers hvort það væri að koma heimstyrjöld þá taldi hann svo ekki vera nema fólk færi að vera með læti?
Ég horfði lengi á tíkalla símann og íhugaði að hringja heim en lét það vera og skrifaði sendibréf í staðinn sem síðan Ólafur 17 ára bróðir minn svaraði því foreldar okkar reyndust vera á ferðalagi.

Ef til vill gerir þessi upplifun úr 13 ára æskunni það að verkum að ég vil frið í heiminum þó svo að ég sé uppalin í Keflavík með ameríska leikfélaga og horfandi á fjöldamargar amerískar bíómyndir og sjónvarpsþætti þar sem lausnirnar voru yfirleitt ekki friðsamlegar og allt svart/hvítt bæði í litavali og lausnum.

Trump vill frið í Úkraínu. Uppákoman í Hvíta húsinu um daginn leysir USA undan loforðum forvera Trumps um ótakmarkaða hernaðaraðstoð og hefur strax haft þau áhrif að "leiðtogarnir" í Evrópu tala nú loks um frið á neyðarsamkomum sínum sem hafa verið mjög tíðar undanfarið en skilað undraverðum litlum árangri.

Rússar eru ekki lengur í Tékkóslóvakíu né heldur Afganistan

Bretar og Frakkar munu vinna að friði með Úkraínu