Tékkóslóvakía og Afganistan - rússar fóru burt

Í ágúst 1968 var ég að ljúka sumardvöl minni í Danmörku í heimavistarskóla í Randers á Jótlandi. Þá réðust rússar inn í Tékkóslóvakíu og maður gat þarna horft á sameiginlegt lítið svart hvítt sjónvarp á sal og reynt að skilja heimsviðburði.
Ég hafði ekki heyrt íslensku talaða síðan ég yfirgaf Kastrup flugvöllinn og síðustu samskiptin við Íslending voru að Vigfús tollari stimplaði vegbréfið mitt í júní við brottför frá Keflavík.

Ég man að þegar við spurðum einn ungan kennara þarna í Randers hvort það væri að koma heimstyrjöld þá taldi hann svo ekki vera nema fólk færi að vera með læti?
Ég horfði lengi á tíkalla símann og íhugaði að hringja heim en lét það vera og skrifaði sendibréf í staðinn sem síðan Ólafur 17 ára bróðir minn svaraði því foreldar okkar reyndust vera á ferðalagi.

Ef til vill gerir þessi upplifun úr 13 ára æskunni það að verkum að ég vil frið í heiminum þó svo að ég sé uppalin í Keflavík með ameríska leikfélaga og horfandi á fjöldamargar amerískar bíómyndir og sjónvarpsþætti þar sem lausnirnar voru yfirleitt ekki friðsamlegar og allt svart/hvítt bæði í litavali og lausnum.

Trump vill frið í Úkraínu. Uppákoman í Hvíta húsinu um daginn leysir USA undan loforðum forvera Trumps um ótakmarkaða hernaðaraðstoð og hefur strax haft þau áhrif að "leiðtogarnir" í Evrópu tala nú loks um frið á neyðarsamkomum sínum sem hafa verið mjög tíðar undanfarið en skilað undraverðum litlum árangri.

Rússar eru ekki lengur í Tékkóslóvakíu né heldur Afganistan

Bretar og Frakkar munu vinna að friði með Úkraínu

Athugasemdir

[Hallgrímur Hrafn Gíslason, 2.3.2025 kl. 19:09]

Sæll Grímur.

Það er lausnin í þessu stríði, Rússar yfirgefa Úkraínu,miðað 2014 yfirraðastöðu beggja þjóða.

[Grímur Kjartansson, 2.3.2025 kl. 19:49]

Sæll nafni

Hvernig liti það út heima fyrir ef Pútín léti alla rússneskumælandi menn í fyrrum Úkraínu um að bara þurfa bjarga sér sjálfum 

[Hallgrímur Hrafn Gíslason, 3.3.2025 kl. 10:53]

Sæll nafni.

Sovétmenn sendu milljónir af rússneskum innflytjendum eftir stríðið til Donbas. Fyrir stríð bjuggu um 640 þúsund Rúsneskættaðir í Donbas. Russavæðing Sovétsins fjölgaði þeim í rúmlega 2,55 milljón 1959, sovéska rússavæðingim í menntamálum 1958-59 útrýmdi síðan nánast kennslu á úkranísku tungumáli í Donbas. Donbas er innan Úkranísku alþjóðlegrar viðurkenndra landamæra.  Plútín ætti þá að bjóða rússneskmælandi Úkraníubúum fagnandi heim til Rússlands þaðan sem þeir komu upp úr stríði